Home How To មុន​យក​ ​iPhone​ ​ទៅ​លក់​ ​កុំ​ភ្លេច​ធ្វើ​រឿង​ទាំង​នេះ​សិន

មុន​យក​ ​iPhone​ ​ទៅ​លក់​ ​កុំ​ភ្លេច​ធ្វើ​រឿង​ទាំង​នេះ​សិន

ប្រសិនបើ​អ្នក​ប្រើប្រាស់​ ​iPhone ចាស់​ ​មាន​បំណង​ចង់​ធ្វើ​ការ​ផ្លាស់ប្ដូរ​ស៊េរី​ថ្មី ដោយ​លក់​នូវ​ម៉ូដែល​ចាស់​ចោល អ្នក​គួរ​ស្វែងយល់​នូវ​ចំណុច​ខាងក្រោម មុន​អ្នក​លក់​ទៅ​ឲ្យ​នរណា​ម្នាក់​៖


១. ធ្វើការ Back Up

អ្នក​គួរ​ធ្វើការ​ ​Back up​ ​រាល់​អ្វី​គ្រប់​យ៉ាង​លើ​ទូរសព្ទ​មុន​នឹង​លុប​ចោល​។ នៅ​លើ PC អ្នក​គួរ​មាន​នូវ​ជំនាន់​ចុង​ក្រោយ​នៃ​កម្មវិធី iTune > ភ្ជាប់​ទូរសព្ទ​ទៅ​នឹង​កុំព្យូទ័រ​។ ពេល​វា​បង្ហាញ​លើ iTune អ្នក​ចូល​ទៅ​កាន់​ ​File > Devices > Back Up។ អ្នក​អាច​ពិនិត្យ​មើល​ថា​តើ​បាន​ Back up ឬ​អត់ ដោយ​ចូល Preferences > Devices ហើយ​ត្រួត​ពិនិត្យ​នូវ​កាលបរិច្ឆេទ​នៃ​ការ Back up ចុងក្រោយ​។ 

អ្នក​ក៏​អាច Back up​ ​ដោយ​ផ្ទាល់​លើ iOS device ផង​ដែរ ដោយ​ចូល​ទៅ​កាន់​កម្មវិធី Settings > ជ្រើសរើស​ឈ្មោះ​អ្នក > ចុច​លើ iCloud បន្ទាប់​មក​អូស​ចុះ​ក្រោម​ដល់ iCloud Backup > Back up now។ ប្រសិនបើ​ប៊ូតុង​ ​Toggle​ ​លើ​ ​iCloud Backup​ ​បើក​ ​វា​នឹង​ធ្វើការ Update នូវ​រាល់​ទិន្នន័យ និង Settings​ ​អ្នក​ ​ពេល​ ​Device​ ​បាន​ ​Locked​ ​ហើយ​ភ្ជាប់​នឹង​អ៊ីនធឺណិត។

ក្រោយ​មក​ ​ពេល​អ្នក​ទិញ​នូវ​ ​iPhone​ ​ថ្មី​អ្នក​អាច​ជ្រើសរើស​ ​Back up​ ​ពី​ ​iTune​ ​ឬ​ ​iCloud​ ​ហើយ​គ្រប់​ទិន្នន័យ​ ​និង​ ​Settings នឹង​មាន​សភាព​ដូច​ទៅ​នឹង​ទូរសព្ទ​ចាស់​។

២. បិទ​មុខងារ​ Find My iPhone

ការ​បើក​ដំណើរការ​មុខងារ​ ​Find My iPhone​ ​ពេល​ខ្លះ​អាច​ត្រូវ​បាន​ ​Block activation​ ​ដោយ​ម្ចាស់​ថ្មី​។ ដូច្នេះ​អ្នក​គួរ​បិទ មុន​អ្នក​លក់​ឲ្យ​អ្នក​ដទៃ​។ អ្នក​អាច​ចូល​ទៅ​កាន់​កម្មវិធី Settings > ឈ្មោះ​អ្នក > Find My និង​ចុច​បិទ Find My iPhone។

៣. Sign out ពី iMessage

ពេល​ខ្លះ​សារ​បាន​បញ្ជូន​ពី iPhone មួយ​ទៅ iPhone មួយ​ទៀត ត្រូវ​បាន​ទទួល​ដោយ iPhone ចាស់ ជៀស​ជាង Device ប៉ុន្តែ​បញ្ហា​នេះ​ត្រូវ​បាន​ដោះស្រាយ​រួច​ហើយ​។ យ៉ាងណាមិញ ជា​យោបល់​ល្អ អ្នក​គួរ​ធ្វើការ​បិទ ដោយ​ចូល​ទៅ​កាន់​កម្មវិធី Settings > Messages > ហើយ​ចុច​លើ​ប៊ូតុង Toggle បិទ iMessage។

៤. ផ្ដាច់ការភ្ជាប់ Apple Watch

ប្រសិនបើ​អ្នក​មាន Apple Watch អ្នក​គួរ Unpair វា​ពី iPhone អ្នក​មុន​លក់​ចេញ​។ អ្នក​អាច​ដាក់ Device ទាំង​ពីរ​នៅ​ជិត​គ្នា ហើយ​បើក​កម្មវិធី Apple Watch លើ iPhone > ចូល​ទៅ​កាន់ Tab ឈ្មោះ My Watch ហើយ​ជ្រើសរើស នាឡិកា​ដែល​នៅ​ខាងលើ​នៃ​អេក្រង់​ > ជ្រើសរើស​នូវ​សញ្ញា Info circle នៅ​ក្បែរ​នឹង​នាឡិកា ដែល​អ្នក​ចង់ Unpair > បន្ទាប់​មក​ចុច Unpair Apple Watch ហើយ​ចុច Confirm ដែល​ប្រហែល​ជា​ត្រូវការ​បញ្ចូល​លេខ​សំងាត់ Apple ID។

៥. Sign Out​ ​ពី​ ​iCloud

ក្រុមហ៊ុន​ ​Apple​ ​បាន​ណែនាំ​ដល់​អ្នក​គ្រប់​គ្នា​ដែល​ប្រើប្រាស់​នូវ​ ​iOS 10​ ​ឬ​លើ​នេះ​ ​គួរ​ធ្វើការ​ ​Sign out ពី​ ​iCloud​ ​ក៏​ដូចជា​ ​iTune​ ​និង​ ​App Store​ ​មុន​លក់​ចេញ។

លើ​ ​iOS 10.3 ឡើង អ្នក​អាច​ចូល​កម្មវិធី Settings > ឈ្មោះ​អ្នក > Sign Out > បញ្ចូល​នូវ​ពាក្យ​សំងាត់ Apple ID ហើយ​ចុច Turn Off។

លើ​ ​iOS 10.2​ ​អ្នក​អាច​ចូល​កម្មវិធី Settings > iCloud > Sign Out > ចុច​លើ​ ​Sign Out​ ​ម្ដង​ទៀត​ ​បន្ទាប់​មក​ចុច​ ​Delete from My Device ណា​មួយ ហើយ​បញ្ចូល​នូវ​ពាក្យ​សំងាត់ Apple ID។ ក្រោយ​មក​ទៀត​ចូល​កម្មវិធី Settings > iTunes & App Store > Apple ID > Sign Out។

៦. Erase all Settings

អ្នក​គួរ​ធ្វើ​ការ​លុប​នូវ​រាល់​ទិន្នន័យ ដោយ​ចូល​ទៅ​កាន់​កម្មវិធី Settings > General > Reset > Erase all Content and Settings ហើយ​បញ្ជាក់​នូវ​ការ​យល់ព្រម​លើ​ផ្ទាំង​ដែល​បង្ហាញ​។

៧. ដល់​ពេល​លក់

ក្រោយ​រៀបចំ​រួចរាល់​ ​អ្នក​អាច​ថតរូប​ទូរសព្ទ​អ្នក​ ​ហើយ​បង្ហោះ​លើ​ ​Online​ ​សម្រាប់​ធ្វើការ​លក់​ ​ឬ​ទៅ​លក់​ដល់​កន្លែង​ទិញ​ ​លក់​ទូរសព្ទ​តែ​ម្ដង។ លើស​ពី​នេះ​ ​គួរ​ដឹង​ពី​ហាង​ឆេង​តម្លៃ​របស់​ ​iPhone​ ​ពេល​កំពុង​លក់​ ​ព្រោះ​មិន​ដូច្នេះ​ ​អាច​លក់​ចេញ​ខាត​ជ្រុល៕

Must Read

មុន​យក​ ​iPhone​ ​ទៅ​លក់​ ​កុំ​ភ្លេច​ធ្វើ​រឿង​ទាំង​នេះ​សិន

ប្រសិនបើ​អ្នក​ប្រើប្រាស់​ ​iPhone ចាស់​ ​មាន​បំណង​ចង់​ធ្វើ​ការ​ផ្លាស់ប្ដូរ​ស៊េរី​ថ្មី ដោយ​លក់​នូវ​ម៉ូដែល​ចាស់​ចោល អ្នក​គួរ​ស្វែងយល់​នូវ​ចំណុច​ខាងក្រោម មុន​អ្នក​លក់​ទៅ​ឲ្យ​នរណា​ម្នាក់​៖ ១. ធ្វើការ Back Up

ភ្លេចលេខសម្ងាត់ Apple ID ចង់យកមកវិញ ងាយណាស់! (វីដេអូ)

ប្រសិនបើអ្នកបានភ្លេចលេខសម្ងាត់ Apple ID របស់អ្នក សូមកុំបារម្ភអី ព្រោះអ្នកអាចយកវាមកវិញបានយ៉ាងងាយស្រួល នៅក្នុង Settings លើ iPhone, iPad ឬ iPod Touch របស់អ្នក។ អរគុណទៅដល់មុខងារ Two-factor Authentication អ្នកអាចយកលេខសម្ងាត់នោះមកវិញ...

ទំនេរៗ! ឆែក​អាគុយ​ឡាន​សិន​មុន​បើក​ចេញ​ទៅ​ក្រៅ

ជាទូទៅ​អ្នក​ដែល​ប្រើ​ប្រាស់​រថយន្ត​ មិន​សូវ​ចាប់​អារម្មណ៍​ទៅ​លើ​អាគុយ​ឡាន​ ​ឲ្យ​តែ​ដេរ​ទៅ​​ឆេះ​មិន​សូវ​ខ្វល់​​ច្រើន​ឡើយ​។ មាន​សញ្ញា​ណ​​មួ​យ​ចំនួន អាច​ឲ្យ​អ្នក​ដឹង​​មុន​ថា​អាគុយ​ឡាន​​អ្នក​ជិត​ខូច​ឬ​មិន​សាក​ភ្លើង​។ លោក អ៊ុយ សាខន ជា​គ្រូ​​បណ្ដុះ​បណ្ដាល​បច្ចេកទេស​រថយន្ត​នៅ​សាលា​ JVC បាន​ប្រាប់ Sabay ថា​ អា​គុយ​ឡាន​មាន​ពី​​រ​ប្រភេទ ​គឺ​អាគុយ​ស្ងួត​និង​អាគុយ​ទឹក​។ ចំពោះ​អាគុយ​ស្ងួត​...

រដូវភ្លៀងមកដល់ គួរដឹងគន្លឹះសំខាន់ក្នុងការថែទាំ និងត្រួតពិនិត្យរថយន្ត

វា​ជា​រឿង​សំខាន់​ណាស់​ដែល​អ្នក​គួរ​មាន​វិធាន​ការពារ​ទុក​ជា​មុន ដើម្បី​រក្សា​សុវត្ថិភាព​ពេល​កំពុង​បើកបរ ជា​ពិសេស​ក្នុង​រដូវ​ភ្លៀង​ដែល​​កំពុង​​ចូល​មក​ដល់​នេះ។ ជា​ធម្មតា​ពេល​បើកបរ​ក្នុង​រដូវ​វស្សា អ្នក​តែង​ជួប​ប្រទះ​ផល​វិបាក​ផ្សេង​ៗ​ដូច​ជា ពិបាក​ក្នុង​ការ​មើល​ផ្លូវ ផ្លូវ​មាន​ទឹក​លិច ផ្លូវ​រអិល​ពិបាក​ចាប់​ហ្វ្រាំង ការ​ខូច​ខាត​ផ្នែក​ខាង​ក្រោម​រថយន្ត​ដោយ​សារ​តែ​មាន​ទឹក និង​ភក់​ខ្ទាត​ទៅ​ជាប់​នៅ​កន្លែង​ទាំង​នោះ​ដែល​បង្ក​ឲ្យ​មាន​ការ​ច្រែះ ខូច​ជា​ដើម។ ដូច​នេះ​ហើយ អ្នក​គួរ​យល់​ដឹង​អំពី​គន្លឹះ​សំខាន់​ៗ​មួយ​ចំនួន​ដែល​អ្នក​គួរ​ធ្វើ ដើម្បី​ជៀសវាង​ហានិភ័យ​ដែល​អាច​កើត​មាន​ក្នុង​ពេល​បើកបរ​ក្នុង​រដូវ​វស្សា ៖ ១....

មាន​ទៅ​អន់​អី បើក​លក់​បាន ៧៣ វិនាទី ROG Phone II ដាច់​អស់ ១ មុឺន​គ្រឿង

នា​ព្រឹត្តិការណ៍ Flash sale ជា​លើក​ដំបូង​ក្នុង​ការ​ដាក់​លក់ ROG Phone II ​ក្រុមហ៊ុន Asus ​បាន​លក់​ដាច់ Gaming Smartphone ជំនាន់​ថ្មី​នេះ​ដល់​ទៅ ១០ ០០០ គ្រឿង​ត្រឹម​រយៈ​ពេល ៧៣ វិនាទី។ នេះ​ឆ្លើយតប​ទៅ​នឹង​ការ​កក់​ទុក​ជា​មុន​របស់​អតិថិជន​ប្រមាណ ២,៥ លាន​ដង​នៅ​លើ​គេហទំព័រ JD.com...